အကြောင်းအရာများ: ကွဲကွာခြင်း (သို့) ခွဲခွာခြင်းဆိုသည်မှာ

Saturday, 30 March 2013

ကွဲကွာခြင်း (သို့) ခွဲခွာခြင်းဆိုသည်မှာ

ဓမ္မဒူတ ဒေါက်တာ အရှင်ပညိဿရ
(မငိုကြသောမိသားစု)

ကွဲကွာခြင်း (သို့) ခွဲခွာခြင်းဆိုသည်မှာ

ထုတ်ပယ်ပစ်၍ မရစကောင်းသော

လူ့ဘ၀၏ သင်္ကေတ တစ်ခုပင်ဖြစ်သည်။

မည်သူမဆို ထိုသဘောတရားနှင့်

ကင်းကင်းရှင်းရှင်းနေချင်ပါသော်လည်း

အလိုဆန္ဒမပြည့်ဝနိုင်ကြပါ..။

မည်သို့ပင်ကြိုးပမ်းလုံ့လပြု

တားဆီးကြစေကာမူ

တစ်နေ့နေ့တစ်ချိန်ချိန်တွင်

ကွေကွင်းရခြင်းနှင့် ရင်ဆိုင်ကြုံတွေ့ကြသည်သာ ဖြစ်ပါသည်..။

နှလုံးသွင်းရန်နည်းလမ်းများမှာ............
"ပျက်စီးတတ်တဲ့သဘောမို့ ပျက်စီးသွားရလေပြီ၊ သေရမဲ့သဘောမို့သေသွားခြင်းဖြစ်သည်၊
ဖြစ်ပေါ်လာတဲ့သင်္ခါရတရားမှန်သမျှဟာ ပျက်စီးခြင်းမှာနိဂုံးချုပ်ရမှာပဲ" ဟုသံဝေဂတရားပွါးခြင်းဖြင့်လည်းကောင်း..............

"မြွေများဟာ အရေခွံလဲတဲ့ အချိန်မှာ အရေခွံဟောင်းကိုစွန့်ပစ်သွားသကဲ့သို့ အရေခွံဟောင်းနဲ့တူတဲ့ ဤ ခန္ဓာသည်လည်းအချိန်တန်လျှင်စွန့်ပစ်ရမည်သာ"........
ဘ၀သစ်သို့ရောက်ချိန်တွင်လည်း ခန္ဓာသစ်ကိုရရှိနေပြီဖြစ်၍ ခန္ဓာဟောင်းကိုမလိုချင်တော့သည်မှာ ဓမ္မတာပင်ဖြစ်လိမ့်မည်။ ဟုလည်းကောင်း..........

"လာတုန်းကလည်းခွင့်မတောင်းပဲလာခဲ့လေပြီ၊ ပြန်သွားတော့လည်းခွင့်မတောင်းပဲ သူ့သဘောနှင့် သူပြန်ရလေပြီ။"...ဘ၀ဟောင်းမှ ဘ၀သစ်သို့ရောက်လာကြသူတို့သည် မိမိတို့ကံ အကြောင်းကြောင့်သာ ရောက်လာကြခြင်းဖြစ်၏၊ထို့အတူ ဤဘ၀မှ နောက်ဘ၀ သို့ထပ်မံ ပြောင်းရွေ့ကြသည်မှာလည်း မိမိတို့ကံအလျောက်သာ သွားရောက်ကြခြင်းဖြစ်သည်။ ဧည့်သည်ပမာခေတ္တသာ လာရောက်လည်ပတ်ပြီးအချိန်တန်ကပြန်သွားတတ်သည့် သဘောကို ကောင်းစွာနားလည်ရပါမည်။

သောကဟူသောသဘောတရားသည် အမှန်တရားကို မသိမြင်ကြသေးသောသူများ၏ ရင်တွင်းသို့သာ ထိုးဖောက်ဝင်ရောက်နိုင်ပါသည်။ အကြောင်းမှန်ကို သိ၍ သောကအဖြစ်မခံသောသူတို့နှင့် ကြုံဆုံလျှင်ကား အနားသို့ပင်မကပ်နိုင်ပဲ ထွက်ပြေးပုန်းရှောင်ရလေတော့သည်။

ဒါန သီလ ဘာဝနာတရားများကိုကြိုးစားအားထုတ်ရင်း သောကကင်း ကင်းနေနိုင်အောင် လေ့ကျင့် အားထုတ်နေသင့်ပါသည်..။

စာဖတ်သူမိတ်ဆွေများလည်း ကွဲကွာခြင်း၊ခွဲခွာခြင်း သဘောတရားများကို ဆရာတော်၏ တရားအနှစ် ချုပ်ကိုဖတ်ရှု့ပြီး တဖြည်းဖြည်းနားလည်သဘောပေါက်လာနိုင်ကြပါစေ..။
မေတ္တာဖြင့် Tthaw...

No comments:

Post a Comment

Subscribe to: Post Comments (Atom)